伯伯想再食返野同講野!
我們上門訓練吞嚥同聲帶

有位伯伯患柏金遜症，用鼻胃管餵食好幾年了，但佢好想再食返野同講野，於是我們搵言語治療師上門訓練吞嚥同聲帶。

尋日同ST 上門，原來伯伯因柏金遜症導致聲帶不能閉合，導致silent aspiration當佢吞食時容易落錯格入了氣管 。由於插了幾年鼻喉管，需要重新訓練聲帶都肌肉。

治療師教伯伯用飲管練聲帶，又教佢咳（萬一濁親佢識咳返出來，減少落錯格風險）我有時都不自覺地跟伯伯一齊做

之後就教伯伯吞食，伯伯好有強烈慾望想食到野，所以好努力咁練習，上星期訓練 （食一茶匙加了凝固粉的蜜糖需要分5啖吞，食3茶匙用了近半小時） 到今次可以食到 1茶匙分3啖食晒，食左5茶匙水+1茶匙燈汁。 佢好想再繼續食，但不能食太多因擔心有機會入左肺，肺炎有機會引致死亡，每一啖餵食其實好高風險，食完需要時間觀察是否有異樣。

這一個半鐘學左好多野～～好有趣。

以上純粹個人分享，可能有誤，醫學上要請教醫生，有唔舒服要及早治療～～

年輕人食野就嘔?
為什麼需要我們?

日前收到一個咨詢問是否只是做老人服務，說兒子腸胃唔好，一出街就會嘔，無法外出，食野又會想嘔，所以想醫生上門睇症。

於是就了解下病人點解無法出門，以往病歷。媽媽就說仔仔以前是肥仔， 半年由70多kg 暴跌到40多kg, 睇過西醫腸胃科照過ultrasound, 驗過血都冇問題。 之前有西醫說是IBS (腸易激綜合症），但仔仔食過藥覺得無效，唔信醫生，媽媽就好擔心仔仔會有cancer。

咁我再問佢仔仔情緒最近有冇變化？ 變得好焦慮..

然後媽媽就講出佢嘅故事，仔仔係mix 只講英文，小時候父母離婚，之後媽媽從外國帶回香港住，同年他的爸爸又過身。在香港要讀中文，追不上，被老師打手板，又被同學欺凌，種種因素令佢變得好負面。睇過好多醫生都無效令佢好灰心，單親關係，唔想浪費媽媽d錢，基本上放棄治療長期在家，夜晚肚痛瞓唔到，靠打網絡遊戲跟外國朋友傾計，時間顛倒。

我都好希望幫到佢同佢家人，腸痛因焦慮而起，環環相扣，要解決焦慮應該搵精神科醫生。 原本是要上門見病人的，但病人講明會反鎖唔見醫生，只好嘗試先做視像診症（正常第一次要上門面診的）。

視像當日 媽媽好不容易氹仔仔見醫生 （說是見腸胃科醫生），如果說是精神科醫生，只會令佢更抗拒。 醫生先是跟媽媽了解病人過往到現在少年的經歷 （都用左1個鐘） 之後再視像見仔仔，由腸胃開始問，再問下生活習慣，唔抗拒就再問下過往經歷。醫生知道情況，再同佢解釋腸胃痛原因，會處方幾隻藥，可以舒緩焦慮，放鬆腸胃，有安眠作用，又會改善胃口，逐樣解決佢目前的問題，仔仔清楚明白之後，都好相信醫生，然後醫生說改善之後需要上門評估，仔仔都答應左。

過2日之後，我再跟進返病人情況，仔仔說胃口好左，又唔會嘔，終於食到野。夜晚6:30 就食藥 等8:30瞓覺到天光，腸又冇痛了⋯⋯

媽媽都開心可以搵到我們 ‘老友宅醫’ 嘅服務，送左幾個比我

長者願意選擇在家離世，
有家人在身邊更幸福!

詠嫻和敏儀自中學同班以來已相識相知三十多年，現在人過半百卻一起面對自己母親身患頑疾且即將離世的悲哀；還有如何安排的現實問題。

詠嫻：「我媽媽說她希望上天堂的時候，是躺在家裡自己的床上，我們都在旁邊，還有陪了她十年的小狗比比……」

敏儀分享自己故事：「既然伯母咁講，你們也該盡力完成她最後的心願，亦是最後要求、矚託！我爸爸就早已一心一意把媽媽留在身邊，直到她登天也守望著她。我們一直都不讓媽媽進老人院，如非緊急也不進醫院，感恩是媽媽的乳癌沒有給她帶來很大的痛楚……她現在一天到晚都有兩、三個小時是清醒的，給工人姐姐抱上便椅、餵飯、洗澡，她還能夠報以微笑哩。」

詠嫻：「我上次去你家探望伯母時，伯母也保持微笑哩。雖然有工人姐姐幫忙，但係醫療方面等如何處理?」

敏儀：「可以找幫忙，有醫生上門到診，提供最合適的設備和理療方案；有不同專業人仕協助我們，並指導工人姐姐和我們如何妥善照顧媽媽。這年來一直有定期做視像診療諮詢和上門到診的。並跟據情況介紹電動床、氣墊床、手推輪椅及營養補充等……」

詠嫻：「醫生點講? 伯母的情況怎樣了？」
敏儀：「醫生叫我們做好心理準備，又安排了社工，跟爸爸談過，主要是怕他太難過。而爸爸的願望就是在媽媽走的一刻，能夠在旁邊執著她的手……」。

詠嫻：「真好! 原來只聽過日本有此類在宅醫療服務，香港也有用心團隊引入此類服務。」

 癌末在宅善终?
家是最好的病房

1. 害怕住院治療
新型冠狀病毒肺炎疫情肆虐下，醫管局將香港應變級別由「嚴重」升級至「緊急」，早由一月二十六日開始，公院全面暫停探訪及探病。最初家屬仍可探望產婦，現在也告暫停。
現在晚期癌症、心肝肺腎等器官衰竭患者非常害怕住院，留家治療的更不願去醫院覆診就是害怕入院，現在住院看不到家屬也不能吃到家屬的湯、飯、水果類，沒有家屬按摩、轉身、心靈關懷，香港醫院醫護及工作人員一直是困難的，加上疫情下更緊張了，沒辦法細心照顧每一位患者，家屬最怕突然收到患者離世電話，沒見到最後一面，中國人有家屬在身邊而終是一種福氣，家屬沒有探望權令患者更孤獨及害怕對身心都不好。

2. 尊重癌末病患選擇
晚期病人的需要一般比其他可治愈病症的病人多而且複雜。面對生離死別之苦，往往嚴重地影響著病人和家人。一個人患病，不單只個人承受著疾病帶來的身體痛楚，也為整個家庭帶來一連串的問題，病患同時也要面對不少的心理壓力、困擾、焦慮、恐懼、沮喪和無助感。特別是癌末長者知道是癌末時更願意回家，患者需要精神層面的滿足，想留到親友身邊時間多一些，需要被愛和施予愛，家屬應尊重癌末病患決定。

3. 在家照顧癌末病患的好處
很多家屬都缺乏在家照顧患重病親人的信心。事實上，當病者病情穩定，在家照顧病人比較在醫院更好。因為：病患喜歡在熟悉的環境中生活。家中的環境、擺設皆是病患熟悉的，起居飲食亦遠較醫院愜意。而家人亦不用奔波於住所和醫院之間。病患留在家中較容易重獲家人彼此親暱的接觸和關係，這對病人或家人的情感支持皆是重要的。病患有在身體及心寧上的舒適及得到親友關心的希望，擁有信念是讓病人有信心，能力和勇氣跨越死亡。

4. 家是最好的病房
台北有診所掛著一幅書法：「家是最好的病房」，是有別於住院、門診醫療的第三種醫療——在宅醫療的願景。我們為癌末在宅的患病提供紓緩治療、控制痛楚、並紓緩不適，及安排在家離世步驟。因為我決定推廣《在宅醫療》初心就是為讓香港的長者從失智、失能到離世的這段慢長的日子裡，可繼續生活在自己熟識的家庭環境，沿續自己慣常的生活模式，令長者幸福地居家安老安度晚年。

病者家人: Joyce Lam

老爸患病在床, 不願出門且日漸消瘦, 非常擔憂之際, 找到了可提供醫護人員上門到診服務的老友宅醫, 可得到及時幫助, 經過抽血化驗得知老爸的身體狀況, 可以對症下藥

想不到他們還會在非辦公時間關心及跟進病人的病況, 實在十分體貼, 在此感謝他們的服務。

原文連結 >>

病者家人: Happy Valley

多謝老友宅醫的服務，令不良於行的長者也能夠得到專業醫療治療。再加上利用科技的溝通，可以與醫生保持聯絡，免卻長者周邊車勞頓去診所和醫院。希望多些在職醫生可以參與這機構，亦希望多些家屬可以勇於嘗試此服務。

原文連結 >>

病者家人: Keith Wong

今天十分感謝醫生，不介意步行上六層樓梯，親自來到父親的唐樓家中，為80多歲的父親診病。

從媽媽口中得知，醫生為人有愛心及細心，而最難得的就是一條樓梯對普通人來說，可以說是值一提的事情，但對於父親來說，簡直就是把他和世界分隔的一條大鴻溝，沒有此經歷的年青人們永遠無法理解體會的感受。

老友宅醫服務和他們的醫生能夠明白到這一點，為社會有需要的老人家提供協助，本人真的感激不盡。

希望其他有需要幫助的人，也能夠老友宅醫。

原文連結 >>

病者家人: Lawrence Law 

我阿嬤因為唔肯再離開屋企去睇醫生（任何人之前一去醫院就個幾月返唔到屋企，然後返屋企之後就要長期瞓床。我諗邊個都會咁反應），所以我開始去揾上門提供診症服務嘅醫生，開始搵先發覺響香港要揾醫生肯上門係一件好困難嘅事，都係嘅，以賺錢角度，有咩有效率得過病人黎到診所排隊等你睇？點解要山長水遠又要揸車又要孭住一大袋藥出門診症，而點計都只會係賺少左錢？直到最後最後，同N咁多個組織溝通過之後，我搵到老友所醫嘅醫生。

醫生第一次上門嚟診症係聖誕節正日，診症後好耐心地回答我地既問題同解釋阿嬤情況之後，臨走我問佢點解會係今日仲出嚟診症，醫生話佢屋企小朋友放假晏起身，咪出嚟睇下阿嬤先再返去陪佢地囉。。 我有少少鼻酸一邊口答“喔~”一邊心諗“邊有咁好嘅醫生架？？”

醫生嚟睇咗阿嬤兩次，食左藥阿嬤症狀都有所改善，可以做返物理治療，今日仲可以笑住（當然仲係有好痛嘅時侯）完成物理治療，做完後亦唔再氣來氣喘，仲可以同我地講下笑添！

多謝你地。。。我唔知道點表達對你地既感激希望更多嘅老人家唔好因為怕出門而耽誤資料，希望更多醫護人員可以好似你地咁伸出援手幫助人，希望你地遇到困難都有我咁好彩搵到身邊嘅天使幫助我。感恩。

原文連結 >>

病者家人: Catherine Chu Wingwai Shek

我爸爸因爲要入政府老人院，所以需要驗血驗身。爸爸的血管很幼，連化驗所護士也抽不到，好彩有上門抽血，免得爸爸再次往其他化驗所抽血，而且報告也快可取，我很推介他/她們的服務

原文連結 >>

病者家人: Tiffany Ho

醫生清楚講解病情/成因. 上門診療服務對於行動不方便的患者及家屬，實在是一大福音！極力推薦給有需要的人。

原文連結 >>

病者家人: Jennifer Lam

上星期我媽突然發燒️
謝謝醫生上門看診
免得媽要舟車勞動
吃完藥身體也康復過來了

原文連結 >>

病者家人: Susanna Lau

十分多謝老友所醫嘅醫生及姑娘，醫生非常有耐性同細心，令我媽媽病情及心態有所改進。希望這種充滿愛心嘅上門診症服務能擴展到每一個有需要嘅家庭！

原文連結 >>

病者家人: Tiffany Ho

醫生清楚講解病情/成因. 上門診療服務對於行動不方便的患者及家屬，實在是一大福音！極力推薦給有需要的人。

原文連結 >>

About Daily Life